Formación

Se para o seu negocio necesita que o persoal teña vixente o título de capacitación no manexo do desfibrilador externo automático (DEA) ou simplemente quere ofrecerlle a oportunidade de manter frescas as habilidades aprendidas anteriormente sobre o uso do DEA, con este curso de Cruz Vermella conseguirá os seus propósitos. Repasarán os coñecementos sobre reanimación cardiopulmonar en adultos, en nenos e en situacións especiais, e realizarán prácticas para refrescar as rutinas aprendidas de aplicación do desfibrilador.