Punto violeta en Monforte de Lemos
Cruz Vermella Española Lugo
Agosto de 2019. Festas patronais de Monforte de Lemos
As violencias sexistas teñen moitas formas, ámbitos e espazos nos que se producen. Debemos concienciar e sensibilizar para modificar e erradicar actitudes e comportamentos sexistas nos espazos de lecer, creando así espazos libres de agresións, onde todos e todas podamos gozar das festas libremente e con tranquilidade.
O Punto Violeta está situado durante os días 12 ao 16 de agosto en horario de 23:00 a 2:00 horas en cálea Cardeal, á altura do BBVA, e estará atendida por persoal especializado. Deste xeito, a cidadanía poderá achegarse durante eses días para recibir información, asesoramento, e se é o caso, comunicar algún tipo de agresión sexista.
Do mesmo xeito, desde este punto repartiranse dípticos informativos e unhas pulseiras personalizadas co lema desta campaña a todos aqueles que se acheguen ata o Punto Violeta.
O Punto Violeta contempla uns obxectivos moi precisos en canto a violencia sexista:
Concienciar e sensibilizar sobre o problema social e comunitario que supoñen as agresións sexistas, dando información e asesoramento á poboación en xeral.
Ofrecer un espazo seguro de atención e intervención fronte a posibles agresións sexistas, centrándonos no interese superior da vítima.
Non debemos esquecer que o obxectivo principal sempre será ofrecerlle apoio á vítima e proporcionarlle un espazo de seguridade e tranquilidade, en caso de ser necesario.