Dano cerebral. Centro Dano Cerebral
Cruz Vermella Española Lugo
Fogar escola, Castro Riberas de Lea, Lugo. 982 31 10 30
Rehabilitación do dano cerebral adquirido
O dano cerebral é unha lesión que se produce de forma súbita en persoas previamente sas provocando alteracións tanto físicas como cognitivas, as cales repercutirán posteriormente na súa autonomía e manexo social.
As principais causas son os ictus ou accidentes cerebrovasculares (ACV). Trátase de cadros clínicos que se producen pola falta de aporte sanguíneo a algunha rexión do cerebro orixinando unha alteración na función da que é responsable esa área cerebral danada.
Outra das principais causas son os traumatismos craneoencefálicos (TCE), sendo os accidentes de tráfico a causa máis frecuente seguidos dos accidentes laborais.
Causas menos frecuentes inclúen os tumores cerebrais, infeccións (encefalitis) ou as anoxias cerebrais (falta de aporte de osíxeno no cerebro).
A rehabilitación busca minimizar os déficits ou discapacidades experimentadas polas persoas que sufriron dano cerebral, así como tratar de facilitar a súa autonomía e reintegración social.
Os programas de rehabilitación usan técnicas de terapia física, terapia ocupacional, terapia psicolóxica y de logopedia, segundo o tipo e grao de discapacidade, que se poden utilizar aisladamente ou en combinación.
No Centro de dano cerebral adquirido de Cruz Vermella Española de Lugo dispoñemos de dispositivos e sistemas robotizados especializados na rehabilitación do dano cerebral cos que desenvolvemos unha terapia intensiva e interactiva.
Desenvolvemos terapias coa última tecnoloxía en rehabilitación robotizada Lokomat, VirtualRehab, mesa interactiva táctil, con hidroterapia, etc.
Os nosos programas son específicos de rehabilitación integral, interdisciplinares e individualizados, permitindo unha avaliación obxectiva do progreso monitorado dos usuarios.