8 de marzo, Día Internacional das Mulleres Cruz Vermella Lugo
Av. de Madrid, Lugo. 982 231 613
Os últimos anos están a ser protagonizados polas reivindicacións e os logros en materia de igualdade de xénero. Con todo, a construción dunha sociedade na que non exista a desigualdade, a discriminación, nin a violencia de xénero continúa sendo unha tarefa pendente. A desigualdade persiste en todo o mundo, privando a mulleres e nenas de dereitos e oportunidades fundamentais polo simple feito de ser mulleres.
No caso das mulleres atendidas por Cruz Vermella atopámonos que máis do 60 por cento das que se atopan en idade activa, están en situación de desemprego e entre as que están a traballar, o 80 por cento son traballadoras pobres. Doutra banda, o 73,5 por cento encárganse soas do traballo doméstico e de crianza dos fillos e fillas. Por último, máis do 92 por cento dos fogares das mulleres atendidas está en risco de pobreza e exclusión.
Cruz Vermella articula unha serie de respostas para diminuír o impacto que esta desigualdade produce, a través de proxectos dirixidos a paliar situacións de pobreza, mellorar a empleabilidad das mulleres e favorecer mercados inclusivos, e previr e actuar ante a violencia de xénero, entre outras.
O 8 de marzo é unha oportunidade para visibilizar a desigualdade, pero tamén para traballar pola igualdade que require o esforzo e compromiso cotián de todas as persoas, no ámbito doméstico, laboral, familiar, social e político, entre outros.
A brecha de xénero entre mulleres e homes é unha realidade
No noso país, a brecha salarial sitúase en torno ao 30 por cento (se se consideran os complementos) e increméntase ano tras ano (Informe Brecha salarial e teito de cristal de Gestha). Segundo datos da Enquisa de Poboación Activa, a brecha de desemprego estaba en 2017 en 3,37 puntos (taxa de desemprego feminino 19,03% vs desemprego masculino 15,66%). A pesar da recuperación da taxa de emprego, a brecha de xénero aumentou en relación ao ano anterior. O 89 por cento do emprego das mulleres concéntrase no sector servizos, o que detenta as maiores taxas de temporalidade e contratación a tempo parcial. A brecha das pensións ascende ao 37 por cento. A desigualdade tamén se evidencia no ámbito dos coidados. As mulleres dedican entre unha e tres horas máis que os homes aos labores domésticos; entre 2 e 10 veces máis de tempo diario á prestación de coidados a fillos e fillas ou persoas maiores dependentes (Datos ONU Mulleres). O extremo máis visible da desigualdade é a violencia de xénero.
Cruz Vermella como organización humanitaria que traballa con persoas vulnerables, está en contacto directo con esta realidade. As mulleres son, en maior grao, vítimas da pobreza e a vulnerabilidade social e os riscos de discriminación, exclusión social e violencia que afrontan son o resultado dun sistema desigual.
Faite socio/a de Cruz Vermella
Queres facerte voluntario/a?
