Rehabilitación con realidade virtual
Cruz Vermella Española Lugo
Fogar escola, Castro Riberas de Lea, Lugo. 982 31 10 30
No Centro de dano cerebral de Cruz Vermella Española Lugo usamos a rehabilitación con realidade virtual como ferramenta innovadora en fisioterapia coa finalidade de axudar a incrementar os resultados da terapia tradicional. Este sistema é sinxelo e intuitivo para o paciente, ao verse realizando movementos e accións nunha contorna simulada e chegar a ter a sensación de atopase dentro del. Ademais fomenta a súa participación activa e superación.
VirtualRehab é un sistema de rehabilitación virtual dirixido, entre outras, a persoas con dano cerebral adquirido baseado en actividades e tarefas específicas similares ás dos xogos interactivos. Está desenvolto por expertos neurólogos, terapeutas,& nbsp;investigadores especializados.
Virtualrehab Body é un conxunto de módulos de terapia para a rehabilitación dos brazos e as pernas. Cada módulo presenta contido que pode ser facilmente personalizado para o nivel de discapacidade do paciente. Utiliza unha cámara de movemento para detectar os movementos do usuario e reproducilos na contorna.
VirtualRehab Hands permite a práctica das habilidades motoras das mans co fin de& nbsp;adestrar a destreza, o rango de movemento e a forza muscular e lograr unha rehabilitación motora. Inclúe actividades para a flexión, extensión e abdución de dedos e a desviación cubital e radial da boneca.
Ademais dispoñemos dun simulador de realidade virtual cun programa desenvolto especificamente para Cruz Vermella Española Lugo especializado na rehabilitación da hemianopsia homónima (dano cerebral adquirido que afecta o campo visual dos ollos). Este sistema utiliza o dispositivo Oculus Rift CV1, un joystick e un volante, permitindo realizar terapias a medida e un seguimento individualizado para cada paciente.